२२ कात्तिक, काठमाडौं । बागमती प्रदेशका मुख्यमन्त्री राजेन्द्रप्रसाद पाण्डेले प्रदेशसभामा विश्वासको मतसम्बन्धी प्रस्ताव पेस गर्नुभएको छ । सोमबार दिउँसो ४ बजे र ६ मिनेटमा सुरु भएको बैठकमा उहाँले प्रस्ताव पेश गर्नुभएको हो।

संविधानको धारा १६८ को उपधारा २ बमोजिम मुख्यमन्त्रीमा नियुक्त हुनुभएको उहाँले संविधानअनुसार नियुक्तिको ३० दिनभित्र विश्वासको मत लिनुपर्ने संवैधानिक प्रावधानअनुसार विश्वासको मत सम्बन्धी प्रस्ताव पेस गर्नुभएको हो ।

मुख्यमन्त्री पाण्डेलाई नेकपा एकीकृत समाजवादी पार्टीका अतिरिक्त नेपाली काँग्रेस, नेकपा माओवादी केन्द्र र जसपा नेपालले मत दिने निश्चित छ। योसँगै उहाँले विश्वासको मत पाउने पनि निश्चित देखिन्छ