रसुवा, २२ मंसिर ।
नेपाली कांग्रेसको बागमती प्रदेश सदस्यमा रसुवाका तिन जना निर्वाचित भएका छन् । कांग्रेसको १४ औं महाधिबेशन अन्तर्गत भएको बागमती प्रदेशको अधिबेशनबाट रसुवाका तिन जना सदस्यमा निर्वाचित भएका हुन् ।
खुल्ला सदस्यमा भएको निर्वाचनमा नेपाली कांग्रेस रसुवाका नेता तथा उत्तरगया गाउँपालिकाका अध्यक्ष उपेन्द्र लम्साल निर्वाचित हुनुभएको छ । खुल्ला सदस्यमा ६ जनाका लागि १८ जनाको उम्मेदवारी परेको थियो । जसमा लम्साल ७५२ मत प्रास्त गरेका छन् । खुल्ला सदस्यमा उहाँ तेस्रो स्थान रहेको बताइएको छ ।
लम्साल नेपाली कांग्रेसमा सक्रिय रुपमा भुमिका निर्वाह गर्दै आउनुभएका नेता हुनुहुन्छ । निर्वाचनको मत परिणाममा बिजयी पश्चात माउन्टेन खबरसँगको कुराकानीमा लम्सालले नेपाली कांग्रेसको प्रदेश समितिमा रहेर संगठन निर्माणमा बलियो बनाउन आफु लागि पर्ने बताउनुभयो ।
त्यसैगरि बागमती प्रदेश सदस्यमा भुगोल तर्फ महिलाबाट शेषकुमारी अधिकारी र नेपाली कांग्रेस रसुवाका पूर्व सभापती समेत रहेका नेता लामाकार्पू तामाङ निर्विरोध निर्वाचित भएका छन् ।
