नेपाली काङ्ग्रेसका नेता एवम् काठमाडौं महानगरका मेयर पदका प्रत्यासी राजुराज जोशीले विदेशबाट आएका कति व्यक्ति काठमाडौंमा छन् ,तिनीहरुको तथ्याङ्क जनतालाई दिदै उनीहरुको अवस्था के छ सार्वजनिक गर्न महानगरका मेयर शाक्यलाई आग्रह गरेका छन् ।

प्रेस विज्ञप्ति जारी गर्दै जोशीले महानगर जनताको स्वास्थ्य जस्तो गम्भीर विषयमा संवेदनशील नभएको आरोप लगाएका छन् ।

लकडाउनको बेला जनतालाई उपभोग्य बस्तुको वितरण सहज बनाउन समेत उनले शाक्यलाई अनुरोध गरेका छन्।

जोशीले  कोरोनाका कारण कालोबजारी बढेको भन्दै त्यसको नियन्त्रण तर्फपनि शाक्यको ध्यानाकर्षण गराएका छन् ।

जोशीले महानगरले नागरिकलाई सहज र सुलभ हुने खालका प्याकेज घोषणा गर्नपनि शाक्यलाई आग्रह गरेका छन्