रसुवा, ३ फागुन
प्रथम अकियास कप भलिबल प्रतियोगिताको उपाधी वान डि टिम धुन्चेले हात पारेको छ । शैक्षिक ज्ञानी बौद्विक र प्रज्वलित समाज रसुवा अकियासको आयोजनामा बुधबारदेखि सदरमुकाम धुन्चेमा संचालन गरिएको प्रतियोगितामा वान डि टिम धुन्चेले पहिलो उपाधी हात पारेको हो ।
त्यस्तै भलिबल प्रतियोगितामा धुङलाङ ब्वाइज धुन्चेले दोस्रो उपाधी हात पारेको छ भने जुनतारा समुह स्याफ्रुले तेस्रो उपाधी हात पारेको आयोजकले जनाएको छ ।
लिग चरणको आधारमा खेलाइएको खेलमा ९ टिमको सहभागिता रहेको थियो । प्रतियोगितामा प्रथम, द्धितीय र तृतीय हुनेलाई क्रमश नगद १५ हजार, ८ हजार र ५ हजार सहित ट्रफ्रि, मेडल र प्रमाणपत्रद्धारा पुरस्कृत गरिएको आयोजकले जनाएको छ ।
जिल्लामा खेलको विकासका लागी प्रत्येक महिना एउटा प्रतियोगिता सञ्चालन गर्ने अभियान अन्तर्गत भलिबल प्रतियोगिता संचालन गरिएको शैक्षिक ज्ञानी बौद्विक र प्रज्वलित समाज रसुवा अकियासका अध्यक्ष निबेश श्रेष्ठले बताए ।
