आज २०७७ सालको पहिलो दिन अर्थात नयाँ वर्षको आरम्भ । यतिबेला हामी सबै नेपाली दाजु भाइ , दिदी बहिनीहरु कोरोना भाइरस कोभोड १९ विरुद्ध आ आफ्नै घर घरमा लकडाउनमा बसिरहेका छौ । हामी लकडाउनमा बसेको २१ औ दिन हुदैछ ।
नयाँ वर्ष प्रचलनमा रहेको पात्रोको प्रथम दिन तथा वर्ष वा सालको आरम्भ लाई भनिन्छ । नेपाल लगायतका विक्रम सम्बत मान्ने स्थानहरूमा बैशाख १ गतेका दिन भने इस्वी सम्बत मान्ने स्थानहरूमा जनवरी १ तारीखका दिन नयाँ वर्ष मनाइन्छ । सो दिनमा प्रचलित परम्परा अनुसार बिभिन्न कार्यक्रमहरू आयोजन गरिन्छ ।
कोरोना कहर जन्माएको ७६ साल शताब्दी कै कालो बर्षका रुपमा दर्ज भयो । भनिन्छ, उज्यालो हुनु भन्दा केही बेर अघी रातको अँध्यारो तुलनात्मक रुपमा घनिभुत हुन्छ ।
आशा गरौं। २०७७ सालको घाम विश्वमा एउटा सुन्दर विहानी लिएर उदाउने छ ।
विगतका नराम्रा क्रियाकलापलाई सच्याएर नयाँ जोश र जाँगरका साथ आफ्नो कर्मक्षेत्रमा लागेर आर्थिक सामाजिक र सांस्कृतिक विकास गर्ने प्रेरणा मिलोस् भनेर कामना गर्दै माउण्टेन खबरका तर्फबाट हजुरहरु सम्पूर्णलाई विश्व महामारी कोरोनालाई नयाँ बर्ष २०७७ सालको हार्दिक शुभकाना ।