उहाँले काँग्रेसलाई विभाजित नभई एकताबद्ध बनाएर अघि बढाउन आफूहरू गम्भीर रहेको स्पष्ट पार्नुभएको हो । सोमवार चुनदेवीमा आयोजित पत्रकार सम्मेलनमा कोइरालाले पार्टीको १५ औँ महाधिवेशन अत्यन्त महत्त्वपूर्ण रहेको भन्दै यसले नेपाली काँग्रेससँगै नेपालको राजनीतिको आगामी दिशासमेत तय गर्ने बताउनु भयो । संस्थापन पक्षले संस्थापन इतर समूहले राखेका माग सम्बोधन भइसकेको र अब पार्टी एकतामा नआउनुको कारण नरहेको तर्क गरिरहेको विषयमा कोइरालाले दुवै पक्षको धारणा सुन्नुपर्ने बताउनु भयो । उहाँले आफूहरूले पटक–पटक एकताबद्ध भएर अघि बढ्न र वार्तामा बस्न आग्रह गरेको दाबी गर्नुभयो ।