बिहिबार, अशोज १३, २०७९

अन्नपूर्ण क्षेत्रमा बेपत्ता मध्ये १ को शव भेटियो, शुक्रबार ल्याउने तयारी


  • माउन्टेन खबर
  • शुक्रबार, बैशाख १२, २०७७
  • 469
    SHARES

काठमाडौं । अन्नपूर्ण क्षेत्रमा गएका हिउँ पहिरोमा परि बेपत्ता भएका मध्ये १ को शव भेटिएको छ । २०७६ माघ ३ गते अन्नपूर्ण क्षेत्रमा गएको हिम पहिरोमा पुरिएका भरिया निमा तामाङको शव बुधवार भेटिएको हो ।

धादिङ जिल्ला गंगा जमुना गाउँपालिकाका करिब ५० वर्षिय मृतक तामाङको शव २ दिन भइसक्दा समेत ल्याउन सकिएको छैन ।

पिक गाईड नेपाल ट्रेक नामक ट्रेकिङ कम्पनी मार्फत पोटरको रुपमा गएका उनको शव शुक्रबार नेपाली सेनाको हेलिकप्टर मार्फत ल्याउन लागिएको ट्रेकिङ एजेन्सिज एशोसिएसन अफ नेपाल(टान)का अध्यक्ष खुमबहादुर सुवेदीले जानकारी दिए ।

शव भेटिएको जानकारी बुधवार नै आएको भए पनि सम्बन्धित कम्पनीसँग समन्वय गर्दा र मौसमको कारण ल्याउन ढिलाई भएको उनको भनाई छ ।

मृतकको शव बोकेर ल्याउन समय लाग्ने भएकोले हेलिकप्टर पठाउने प्रक्रियामा लाग्दा ढिलाई भएको बताउदै शुक्रबार सेनाको हेलिकप्टर मार्फत शव ल्याएर परिवारलाई बुझाउने उनले बताए ।

पर्यटन विभागका महानिर्देशक डण्डुराज घिमिरेले छिटो भन्दा छिटो शव ल्याउन पहल गरिरहेको बताए । जुन कम्पनी मार्फत गएका हुन,त्यहि कम्पनीले शव ल्याउनु पर्ने हो,महानिर्देशक घिमिरेले भने,ढिलाई भएपछि अहिले टानले समन्वय गरेर शव ल्याउन निर्देशन दिएको छु ।

नेपाल पर्यटन वोर्डका प्रमुख कार्यकारी अधिकृत डा.धनन्जय रेग्मीले टानको समन्वयमा शव ल्याउन लागिएको बताए । शव ल्याउने जिम्मा सम्बिन्धित कम्पनीकै हो,प्रमुख कार्यकारी अधिकृत रेग्मीले भने, पछि बीमामार्फत भुक्तानी हुुन्छ । अहिले सो शव टिम्स कार्डको कल्याणकारी कोष मार्फतको पैसाबाट ल्याउन लागिएको बुझिएको छ ।

यता कम्पनीका म्यानेजर नोर्बु भोटेले आफुले मृतकका परिवारलाई दिनु पर्ने रकम ५ लाख रुपैयाँ पहिलानै दिइसकेको जानकारी दिए । अव बीमाबापतको ५ लाख रुपैयाँ दिन बाँकी छ ,त्यो पैसा टिम्स कार्ड मार्फत दिने हो,उनले भने ।

शव ल्याउन ढिलाई हुनुमा आफ्नो कम्पनी दोषि नभएको बताउदै अरुले त्यहि बीमाबापत दिने पैसा ५/६ महिना लगाउनेमा आफुले तत्कालै दिएको बताए ।

टान पोखराका अध्यक्ष हरि भुजेलले यो काठमाडौं टानसँग सम्बन्धीत भएकोले आफहरुले समन्वय मात्र गरिरहेको जानकारी दिए । छिटोभन्दा छिटो शव ल्याउन हामीले पनि पहल गरेका छौं,अध्यक्ष भुजेलले भने,कल्याणकारी कोषको रकम खर्च गरेर भएपनि शव ल्याउनु पर्छ ।

हिउँ पहिरोमा परि ५ जना कोरियन नागरिक र केहि नेपाली भरियाहरु बेपत्ता भइरहेका छन् । ती मध्ये एक जनाको शव केहि साताअघि फेला परेको थियो ।

प्रतिक्रिया
सम्बन्धित समाचार
ताजा अपडेट
धेरै पढिएको
  • माउण्टेन खबर प्रा.लि.
    ठेगाना: लैनचौर, काठमाडौं २६  वडा
    दर्ता प्रमाणपत्र नम्बर : २११३/७७-७८
    फोन नम्वर : ९८५१२२७४०६
    ईमेल: [email protected]

    हाम्रो टिम

    सल्लाहकार : राम लामा “अविनाशी”

    संञ्चालक : अनिता चापागाँई
    सम्पादकअच्युत  रेग्मी
    सम्वाददाता : अनिसा निरौला
    सम्वाददाता : आषिश तामाङ

    सम्वाददाता : सब्बु आचार्य
    बजार व्यवस्थापक : क्रिशमान तामाङ