नेपाली कांग्रेस केन्द्रीय समितिको बैठकले कोरोनाले देशको विभिन्न क्षेत्रमा परेको असर अध्ययन गरि देशका लागि आवश्यक कार्य गर्न विभिन्न समिति गठन गर्ने निर्णय गरे बमोजिम सभापति शेर बहादुर देउवाले‘लगानी, पूर्वाधार र रोजगार : दृष्टिकोण एवं दिगो परियोजना बिशेष समिति’ गठन गर्नु भएको छ।
समितिमा पार्टी निकट विभिन्न क्षेत्रका लगानिकर्ता र रोजगारदाताहरु रहनुभएको छ ।
विनोद चौधरीको संयोजकत्वमा गठित समितिका सदस्यहरुमा मोहन आचार्य ,उमेश श्रेष्ठ , टेकबहादुर गुरुङ , कर्मा घले , जिप छिरिङ लामा,तेजुलाल चौधरी अनिल रुङ्गटा , दिपक खड्का , ईन्द्र बानियाँ , छत्र गिरि , सूर्यबहादुर के.सी., विष्णुबहादुर खड्का,पूर्णबहादुर तामाङ र खगेश्वर बोहरा रहनु भएको छ।
समितिले तत्काल कोरोनाका कारण नेपालको लगानी, पूर्वाधार र रोजगारको क्षेत्रमा परेको असरलाई तत्कालीन र दूरगामी रूपमा सम्बोधन गर्न सकिने नीति बारे आवश्यक अध्ययन गरी पार्टीको ‘अर्थतन्त्र केन्द्रीत बिशेष समिति’ लाई सुझाव दिने छ ।
यसै गरी दीर्घकालीन रूपमा लगानी, पूर्वाधार र रोजगारको क्षेत्रमा दूरगामी दृष्टिकोण साथ दिगो परियोजनाहरुको परिकल्पना र कार्यान्वयनमा भूमिका निर्वाह गर्ने समितिलाई अधिकार दीईएको नेपाली कांग्रेस पार्टी कार्यालय व्दारा जारी विज्ञप्तिमा उल्लेख छ।
