काठमाडौँ, १० बैशाख । राष्ट्रिय प्रजातन्त्र पार्टी (राप्रपा)का नेता देवेन्द्र प्रधानले साँच्चै देश बचाउने भए संघीयता खारेज गर्नुपर्ने बताउनुभएको छ ।
नेता प्रधानले आज सञ्चारकर्मीसँग कुरा गर्दै देशको विकराल स्थिती अरुसँग भिक मागेरै तलब खुवाउनुपर्ने स्थितीको अन्त्यका लागि संघीयता खारेज आवश्यक रहेको बताउनुभएको हो ।
“विकास बजेट नाममात्र तर पुँजीगत खर्च नै अभावको अवस्था र पछिल्लो समयको मुल्याकंन गर्दा चैत महिनामा मात्र ७३ हजार विदेशीनु र कुनैपनि नयाँ योजना परियोजना नदेख्नुले संघीयता औचित्य समाप्त भएको छ,”– उहाँले भन्नुभयो ।
राप्रपा केन्द्रीय सदस्यसमेत रहनुभएका नेता प्रधानले देश बनाउनका लागि राप्रपालाई इलामको क्षेत्र नं २ को चुनावमा राप्रपाका उम्मेदवार लक्ष्मी गुरुङलाई सानदार मतका साथ जिताउन आम मतदातालाई अनुरोध गर्नुभयो ।
प्रतिक्रिया
सम्बन्धित समाचार
