काठमाडौँ । प्रहरी प्रधान कार्यालयमा कार्यरत थप २३ जनालाई कोरोना संक्रमण पुष्टि भएको छ ।
प्रहरी महानिरिक्षकको सचिवालयका एसएसपी कुवेर कडायतका अनुसार उनीहरुको कन्ट्याक्ट ट्रेसिङका आधारमा परिक्षण गर्दा कोरोना संक्रमण देखिएको हो ।
प्रहरी प्रधान कार्यालयको सवारी (एमटी) शाखामा कार्यरत प्रहरी हवल्दार काठमाडौँ बाहिर गएर फर्केपछि पहिलो पटक उनलाई कोरोना संक्रमण भएको थियो ।
मंगलबार संक्रमण पुष्टि भएका अधिकांश एमटी शाखामा कार्यरत प्रहरी छन् । प्रहरी प्रधान कार्यालयका संक्रमितका संख्या २७ पुगेको छ । यसअघि चार जनालाई संक्रमण देखिसकेको थियो ।
प्रतिक्रिया
सम्बन्धित समाचार
