काठमाडौं । पेनाल्टी गोल गर्न नसक्दा साबिक विजेता युभेन्टस इटालियन सिरिए ए का बराबरीमा रोकिएको छ । बुधबार राति भएको खेलमा युभेन्टस १–१ को बराबरीमा रोकिएको हो ।
युभेका तर्फबाट फेडेरिको चिएसाले पहिलो गोल गर्दै टोलीलाई अग्रता दिलाए तापनि दोस्रो हाफमा रेमो फ्रेउलरले जवाफी गोल फर्काउदै खेल बराबरीमा रोके।
रोनाल्डोले युभेलाई पेनाल्टीबाट २-१ को जीत दिलाउने अवसर पाए पनि त्यसलाई गोलमा परिणत गर्न भने सकेनन् । गोलकिपर पियरलिुइजी गोलिनीले रोनाल्डोको गोललाई रोक्दै खेललाई बराबरीमा टुङ्ग्याएका हुन् ।
पछिल्ला ९ लिग उपाधि जितेको युभे १२ खेलपछि लिगमा अपराजित रहेको छ तर यसमध्ये आधामा बराबरीमा रोएिको छ । यस खेलबाट बराबरी पछि युभे लिगको तेस्रो स्थानमा सिमित बनेको छ ।
शीर्ष स्थानमा रहेको एसी मिलानभन्दा युभे ४ अंकले पछि छ । मिलानले पनि जेनोआसँग २–२ को बराबरी खेल्दै अपराजित यात्रा कायम राखेको छ ।
