काठमाडौँ ,११ पुस। शनिबार थप ५०० जना कोरोना भाइरसका संक्रमित थपिएका छन् ।  पछिल्लो २४ घण्टामा  ५ हजार ४३४ जनाको पीसीआर परीक्षणमा २१३ महिला र २८७ जना पुरुषसहित ५०० जनामा संक्रमण पुष्टि भएको हो । योसंगै नेपालमा २ लाख ५७ हजार ७०० संक्रमितको संख्या पुगेको छ ।

स्वास्थ्य तथा जनसंख्या मन्त्रालयका अनुसार २४ घण्टामा ८४० जना निको भएर डिस्चार्ज भएका छन् । योसँगै निको संख्या २ लाख ४९ हजार १३२ संख्या पुगेको छ । देशभरी सक्रिय संक्रमितको संख्या हालसम्म ६ हजार ७४९ छ । क्वारेन्टाइनमा रहनेको संख्या ३६९ रहेको छ ।

कोरोना संक्रमणबाट २४ घण्टामा थप ३ को मृत्यु भएको छ । हालसम्म कोरोना संक्रमणबाट मृत्यु हुनेको संख्या १ हजार ८१९ जना पुगेको छ ।