लन्डन । शनिबार इंग्लिस प्रिमियर लिगमा टोटनहमले लिड्स युनाइटेडलाई सजिलै ३–० अन्तरको गोलले हराएको छ । जितसँगै टोटनहम अंक तालिकाको तेस्रो स्थानमा उक्लेको छ । जोसे मोउरिन्हो टिमको १६ खेलबाट २९ अंक भएको छ ।
टोटनहमको मैदानमा भएको खेल पूर्णतः घरेलु टिमको पक्षमा रह्यो । उसका लागि ह्यारी केनले पेनाल्टीबाट गोलको खाता खोले । उनकै पासमा ह्वेङ मिन–सनले दोस्रो गोल थपे । तेस्रो गोल टोबी एल्डरवायल्डको नाममा रह्यो र यसका लागि मिन–सनले पास उपलब्ध गराए ।
पराजित लिड्स २३ अंकमा ११ औं स्थानमा रहेको छ ।
प्रतिक्रिया
सम्बन्धित समाचार
