१९ पुस, काठमाडौं। स्पेनिस ला लिगा अन्तर्गतको खेलमा सेल्टा भिगोलाई हराउँदै रियल म्याड्रिड खेल तालिकाको शीर्ष स्थानमा उक्लिएको छ । शनिबार राति भएको खेलमा सेल्टा २ –० गोलले रियलसँग पराजित बनेको हो ।

सेल्टाले ला लिगाका इयागो आसपासलाई दोस्रो हाफको सुरुवातमा गुमाएको करानले पनि टोलीले उल्लेख्य रुपमा प्रस्तुत हुन सकेन ।

जीतसँगै एक अंकले एथ्लेटिको म्याड्रिडलाई उछिन्दै रियल ला लिगाको शीर्ष स्थानमा उक्लिएको छ । यद्यपि, डिएगो सिमिओनीको टोलीले ३ खेल कम खेलेको छ । आइतबार एथ्लेटिकोले आलाभेसको सामना गर्दैछ ।

शनिबार भएका अन्य खेलमा भिल्लेरियालले लेभान्तेलाई २–१ ले हरायो भने रियल भालाडोलिडले गेटाफेलाई १–० ले पराजित गर्यो । सेभिया भने रियल बेटिससँग १–१ को बराबरीमा रोकियो ।