अमेरिका । अमेरिकामा उडान भरेको केही क्षणमै एउटा इन्जिन फेल भएपछि युनाइटेड एयरलाइन्सको एउटा जहाज अवतरण गरेको छ । शनिवार दिउँसो डेनभर इन्टरनेशनल एयरपोर्टमा आपत्कालीन अवतरण गर्ने क्रममा डेनभरको विभिन्न स्थानमा जहाजका टुक्राहरु खसेको थिए ।
त्यसबाट हालसम्म कसैलाई चोटपटक लागेको सुचना आएको छैन । तर, सामाजिक सञ्जालमा विभिन्न ठाउँमा खसेका प्लेनका टुक्रा भने राखिएका छन् ।
‘युनाइटेडको फ्लाइट नम्बर ३२८ को एउटा इन्जिन फेल भएपछि सुरक्षित रूपमा विमानस्थल फर्केको छ युनाइटेड । एयरलाइन्सका प्रवक्ता डेभिड गोन्जालेजले भने, ‘इन्जिन फेल भएका विषयमा छानबिन भइरहेको छ ।
होनोलुलु, हवाईका लागि उडेको उक्त बोइङ ७७७ प्लेनको दाहिने इन्जिन फेल भएको थियो । त्यसपछि चालक दलले उक्त प्लेनलाई दिउँसो स्थानीय समय अनुसार १ः२९ मा सुरक्षित अवतरण गराएका थिए । जहाजमा २ सय ३१ यात्रुहरु र १० जना चालकदलका सदश्यहरु थिए ।
