५ बैशाख, मोरङ। प्रदेश १ को सरकारले प्रतिपक्षी दलहरुले अवरोध जारी राखेपछि सातौं हिउँदे अधिवेशन अन्त्यको तयारी गरेको छ ।
आइतबार बस्ने बैठकमा मुख्यमन्त्री शेरधन राईले सम्बोधन गरेपछि अधिवेशन अन्त्य गर्ने तयारी गरिएको प्रदेश सरकारका प्रवक्ता एवम् आन्तरिक मामिला तथा कानुन मन्त्री हिक्मतकुमार कार्कीले जानकारी दिनुभयो।
जारी सातौं हिउँदे अधिवेशनको आठौं बैठक आइतबार दिउँसो १ बजेका लागि बोलाइएको छ।
बिपक्षी दलहरुले आजको बैठक पनि चल्न नदिने बताईरहँदा प्रवक्ता कार्कीले भने सरकार जसरी भएपनि आजको बैठक जारी राखेर अधिवेशन सक्ने पक्षमा रहेको बताउनुभयो।
प्रतिक्रिया
सम्बन्धित समाचार
