२० बैशाख, रुपन्देही । लुम्बिनी प्रदेशका प्रदेशसभा सदस्य धर्मबहादुर लाल श्रीवास्तव र अजय शाहीले मुख्यमन्त्री शंकर पोखरेलकै पक्षमा उभिएका छन् ।
सूर्य चिन्हबाट चुनाव लडेका स्वतन्त्र राजनीतिक समूहका श्रीवास्तव र शाही आइतबार माओवादी केन्द्रका संसदीय दलका नेता कुलप्रसाद केसीको नेतृत्वमा सरकार गठनको पक्षमा हस्ताक्षर गर्नुभएको थियो।
तर फेरी सोमबार एक संयुक्त वक्तव्य जारी गर्दै उहाँहरुले आफूहरुको समर्थन मुख्यमन्त्री पोखरेललाई नै रहेको बताउनुभएको छ । आफूहरु एमाले संसदीय दलप्रति प्रतिवद्ध रहेको बताउनुभएको छ। उहाँहरुद्वारा लिखित वक्तब्यमा भनिएको छ, ‘माननीय कुलप्रसाद केसी समेतले सरकार गठनका सन्दर्भमा गरिएको दाबीमा हाम्रो हस्ताक्षर प्रस्तुत गर्नु बदनियत र त्रुटिपूर्ण छ ।’