२२ बैशाख, गुल्मी । गुल्मीमा बितेको २४ घण्टामा ३ जनाको कोरोना संक्रमणबाट ज्यान गएको छ । मृत्यु हुनेमा एक जना सत्यवती गाउँपालिका ७ जुनियाका ६९ बर्षीय पुरुष रहेका छन् । गएराती घरबाट उपचार गर्न खैरेनी लैजाने क्रममा उनको बाटैमा मृत्यु भएको थियो भने थप दुई जनाको लुम्बिनी प्रादेशिक अस्पतालमा मृत्यु भएको त्यस अस्पतालले जनाएको छ ।
अस्पतालका प्रवक्ता डाक्टर बिष्णु गौतमले रुरुक्षेत्र गाउँपालिका वडा नम्वर ५ गुल्मीका ४५ बर्षीय पुरुषको हिजो साँझ ९ बजे र गुल्मी कै कालिगण्डकी गाउँपालिका ७ का ५५ बर्षीय पुरुषको विहान ३ बजे कोरोना संक्रमणबाट ज्यान गएको बताए । यो सहित गुल्मीमा दोश्रो लहरमा मृत्यु हुन संक्रमितको संख्या १४ पुगेको छ ।
पहिलो लहरमा पनि १३ जनाको मृत्यु भएको थियो । स्वास्थ्य कार्यालयका फोकल पर्सन गोपाल कार्कीले हिजो साँझ सम्म ३३४ संक्रमित रहेकोमा अहिले विहान सम्म संक्रमितको संख्या ३६९ पुगेको छ ।
