२५ जेठ, काठमाडौं । मुटुमा समस्या देखिएपछि कलाकार मदनकृष्ण श्रेष्ठलाई अस्पताल भर्ना गरिएको छ।
अचानक मुटुमा समस्या आएपछि उहाँलाई शनिबार बिहान काठमाडौंको गंगालाल अस्पतालमा भर्ना गरिएको हो। शुक्रबार रातिदेखि छाती दुखेको दुखेपछि र ब्लड प्रेसर पनि तलमाथि भएपछि उहाँलाई शनिबार बिहानै अस्पताल लगिएको पारिवारिक स्रोतले जनाएको छ।
आइतबार उहाँको एन्जियोप्लास्टी गरेर स्टेन्ट हालिएको छ। अहिले उहाँको स्वास्थ्य अवस्था सुधार आइरहेको छ।