काठमाडौं ,५ असार
जगदम्बा हस्पिटालिटीले राजधानीमा निर्माण गरिरहेको हिल्टन काठमाडौंले उत्कृष्ट आर्किटेक्चर अवार्ड जितेको छ । हिल्टनले वर्ल्ड आर्किटेक्चर कम्युनिटीबाट उत्कृष्ट आर्किटेक्ट डिजाइन गरेबापत सो अवार्ड जितेको हो । यसअघि पनि होटलले वेस्ट लिजर अवार्ड जितेको थियो ।
हिल्टन काठमाडौंलाई सन् २०१५ मा इस्ट्रेड रियल स्टेट अवार्ड सिंगापुरले बेस्ट लिजर अवार्ड दिएको थियो । सन् २०२१ मा उत्कृष्ट आर्किटेक्ट अवार्ड जितेको शंकर ग्रुपका प्रबन्ध निर्देशक शाहिल अग्रवालले जानकारी दिए । स्टुडियो सिम्वोसिस आर्किटेक्सले होटलको डिजाइन गरेको हो । जगदम्बा हस्पिटालिटी शंकर ग्रुपअन्तर्गतको कम्पनी हो । यही कम्पनीले हिल्टन काठमाडौं निर्माण गरिरहेको छ ।
विश्वकै दोस्रो ठूलो होटल सञ्जाल ‘हिल्टन होटल’ हिल्टन समूहको इन्ट्री लेभल फाइभ स्टार श्रेणीको ब्राण्ड हिल्टन काठमाडौं’को नामबाट काठमाडौको नक्साल भगवती मन्दिर नजिकै निर्माण भइरहेको छ ।
काठमाडौंमा मध्य भागमा बनिरहेको होटलमा नेपाली कला संस्कृति झल्किने डिजाइन गरिएको छ । त्यसका अलवा बनिरहेको होटलबाट विभिन्न हिमालमा दृश्यावलोकन पनि गर्न सकिने छ ।
१९ हजार ३ सय ५१ स्क्वायर मिटर क्षेत्रफलमा होटल निर्माण भइरहेको छ । होटल १९ तलाको हुने छ भने ६४ मिटर उचाइ रहने छ । होटलमा १७६ कोठाहरु रहने अग्रवालले जानकारी दिए । हिल्टन होटलमा करिव ४ अर्ब रुपैयाँ लगानी रहेको छ । हिल्टनले विश्वभर ४ हजार २ सय होटलहरु सञ्चालन गरिरहेको छ ।
