३० असार, मकवानपुर । वाग्मती प्रदेश प्रमुख विष्णुप्रसाद प्रसाइँले वाग्मती प्रदेशसभाबाट पारित भएको दुई वटा आर्थिक विधेयक आज यहाँ प्रमाणीकरण गर्नुभएको छ ।

उहाँले प्रमाणीकरण गर्नुभएको प्रदेश सरकारको अर्थसम्बन्धी प्रस्तावलाई कार्यान्वयन गर्न बनेको विधेयक २०७८ र आर्थिक वर्ष २०७८÷७९ सेवा र कार्यलाई प्रदेश सञ्चित कोषबाट केही रकम खर्च गर्न र विनियोजित गर्ने सम्बन्धमा व्यवस्था गर्न बनेको विधेयक २०७८ रहेको प्रदेश प्रमुख सचिवालयले जनाएको छ ।

गतअसार २७ गतेको प्रदेशसभा बैठकले पारित गरेको प्रदेश सरकारको विनियोजन विधेयक र असार २८ गतेको प्रदेशसभा बैठकले पारित गरेको प्रदेश सरकारको अर्थसम्बन्धी प्रस्तावलाई कार्यान्वयन गर्न बनेको विधेयक २०७८ लाई प्रदेश प्रमुख प्रसाईले बुधबार प्रमाणीकरण गरेको प्रदेश प्रमुख कार्यालय बागमती प्रदेश हेटौंडाले जनाएको छ ।