४ भदौ, काठमाडौं । राष्ट्रपति विद्यादेवी भण्डारीले बागमती प्रदेशमा नयाँ प्रदेश प्रमुख नियुक्त गर्नुभएको छ । बिहिबार बसेको मन्त्रीपरिषद बैठकले गरेको सिफारिसमा राष्ट्रपतिले शुक्रबार यादवचन्द्र शर्मालाई प्रदेश प्रमुखमा नियुक्त गर्नुभएको हो ।

राष्ट्रपति कार्यालयले शुक्रबार जारी गरेको विज्ञप्तिमा संविधानको धारा १६३ को उपधारा २ बमोजिम संखुवासभाका शर्मालाई प्रदेश प्रमुखमा नियुक्त गरेको उल्लेख गरिएको छ ।

शर्मा नेकपा एमालेको विदेश विभागका पूर्वसचिव हुनुहुन्छ । उहाँले लामो समय माधवकुमार नेपालको सचिवालयमा रहेर काम गर्नुभएको थियो । त्यस्तै, वामदेव गौतम र मदन भण्डारीको सचिवालयमा रहेर पनि उहाँले काम गर्नुभएको थियो । शर्माले अंग्रेजी विषयको प्राध्यापन गर्दै आउनुभएको थियो ।