४ कात्तिक, जनकपुर । जनकपुरस्थित खानेपानी संस्थान कार्यालयका निमित्त प्रमुख जागेश्वर कुशवाहलाई सीके राउत नेतृत्वको जनतम पार्टीका कार्यकर्ताहरूले हिलो र मोसो दलेर नगर परिक्रमा गराएका छन् ।

उनीहरुले बिहीबार (आज) दिउँसो लाठी र बाँसको भाटासहित जनकपुरस्थित कार्यालय पुगेर जनकुपर उपमहानगरपालिका कार्यालयमा नाराबाजी गर्दै प्रमुख कुशवाहलाई मोसो दलेर नगर परिक्रमा गराएका हुन्।

जनकपुरधाम उपमहानगरपालिकाभित्रको ढल व्यवस्थापनमा हेलचेक्र्याइँ गरेकाले मोसो दलेर नगर परिक्रमा गराइएको कार्यकर्ताहरुले बताएका छन्।

कार्यकर्ताहरुले प्रमुखलाई जबरजस्ती कार्यालयबाट बाहिर निकालेर कपडा च्यात्नुका साथै नालामा रहेको हिलो दलेर अर्धनग्न रुपमा दुर्व्यवहार गर्दै नगर परिक्रमा गराएका थिए ।