२९ मङ्सिर, काठमाडौं । प्रदेश २ को बुधबार बसेको आठौं अधिवेशनको पहिलो बैठक आगामी पुस ८ गते बस्ने गरि स्थगित भएको छ। आज बसेको प्रदेश २को प्रदेशसभा बैठकमा दुईवटा अध्यादेश पेस भएसँगै प्रदेश सभा बैठक ९ दिनका लागि स्थगित भएको हो । सामाजिक विकासमन्त्री नवल किशोर साहले प्रदेश कृषि विश्वविद्यालय अध्यादेश २०७८ र प्रदेश प्राविधिक विश्वविद्यालय अध्यादेश २०७८ प्रदेशसभामा पेश गर्नुभएको थियो ।

सुरुमा प्रमुख प्रतिपक्षी दल लोकतान्त्रिक समाजवादी पार्टी (लाेसपा)ले अध्यादेश पेस गर्न नदिएपछि बैठक १५ मिनेटका लागि स्थगित गरिएको थियो ।

प्रदेश सभाको अर्को बैठक पुस ८ गते बिहीवार दिनको १ बजे बस्ने छ ।