२१ माघ, काठमाडौं । प्रधानमन्त्री शेरबहादुर देउवाले प्रेस सल्लाहकारकारुपमा गोविन्द परियारलाई नियुक्त गर्नुभएको छ । प्रधानमन्त्रीका फोटोग्राफर रोशन सापकोटाले सामाजिक सञ्जालमा बधाई दिँदै परियारलाई प्रेस सल्लाहकारमा नियुक्त गरिएको जानकारी दिनुभएको हो ।
समाजशास्त्रमा स्नाकोत्तर गर्नुभएको परियारलाई प्रधानमन्त्रीले प्रेस सल्लाहकारमा नियुक्त गर्नुभएको हो।
राष्ट्रिय तथा अन्तराष्ट्रिय पत्रकारितामा तालिम प्राप्त गर्नुभएको परियार करिब २० वर्षदेखि पत्रकारितामा क्रियाशिल हुनुहुन्छ।
परियार यसअघि विसं २०७४ मा पनि देउवा प्रधानमन्त्री रहनुभएका बेला प्रेस संयोजक भएर काम गर्नुभएको थियो । गत असारमा पाँच दलीय गठबन्धनको सरकार गठन भएपछिदेखि नै परियारले प्रधानमन्त्री देउवाको प्रेस सहयोगीका रुपमा काम गर्दै आउनुभएको थियो ।