सुर्खेत। कर्णाली प्रदेशको सभामुख चयनका लागि आज निर्वाचन हुँदैछ । बिहान ११ बजेपछि मतदान सुरु गर्ने तयारी गरिएको बताइएको छ ।

सभामुखका लागि नेकपा एमालेकी समानुपातिक सांसद नन्दा गुरुङ र कांग्रेसबाट सुर्खेत जिल्ला सभापति खड्क पोख्रेलले मनोनयन दर्ता गराएक छन् ।

कर्णालीमा नेपाली कांग्रेसका १४, माओवादी केन्द्रका १३, नेकपा एमालेका १०, एकीकृत समाजवादी, राप्रपा र स्वतन्त्रबाट एकरएक जना सांसद गरी जम्मा ४० जना सांसद रहेका छन् । जसमा बहुमतका लागि २१ सदस्य आवश्यक हुन्छ ।