Producers of “Oppenheimer” British film producer Emma Thomas (C), US film producer Charles Roven (L) and British filmmaker Christopher Nolan accept the award for Best Picture onstage during the 96th Annual Academy Awards at the Dolby Theatre in Hollywood, California on March 10, 2024. (Photo by Patrick T. Fallon / AFP)

एजेन्सी । लस एन्जलसको डल्बी थिएटरमा आज ९६ औं ओस्कर अवार्डको घोषणा गरिएको छ । ओपेनहाइमरले समारोहमा उत्कृष्ट चलचित्र सहित कुल सात अवार्ड जित्यो ।

किलियन मर्फी उत्कृष्ट अभिनेता, क्रिस्टोफर नोलन उत्कृष्ट निर्देशक बने । यस फिल्मका लागि रोबर्ट डाउनी जूनियरले उत्कृष्ट सहायक अभिनेताको अवार्ड प्राप्त गरे । यो उनको करियरको पहिलो ओस्कार हो ।

ओपेनहाइमरले उत्कृष्ट चलचित्र सम्पादन, उत्कृष्ट मौलिक स्कोर र उत्कृष्ट छायांकन विधामा पनि अवार्ड जितेको छ । चलचित्र कुल १३ विधामा मनोनयनमा परेको थियो ।

फिल्म पुअर थिङ्सले चार विधामा ओस्कार अवार्ड जितेको छ । फिल्मकी मुख्य अभिनेत्री एम्मा स्टोनले उत्कृष्ट अभिनेत्रीको अवार्ड प्राप्त गरिन् । बेस्ट एक्ट्रेस बाहेक पुअर थिङ्सले बेस्ट कस्ट्युम डिजाइन, प्रोडक्सन डिजाइन र मेकअप र हेयरस्टाइलिङ विधामा पनि ओस्कार पायो ।

फिल्म बार्बीले एउटा मात्र ओस्कार पायो । बिली इलिश र फिनीस ओकोनेलले उत्कृष्ट मौलिक गीतको लागि ओस्कार जिते । फिल्मले ८ विधामा मनोनयन प्राप्त गरेको थियो ।

डावाइन जोय रैंडोल्फ कोले द होल्डोभर्सका लागि सर्वश्रेष्ठ सहअभिनेत्रीको अवार्ड जितिन् । ‘वार इज ओभर’ उत्कृष्ट एनिमेटेड सर्ट फिल्म बनेको छ । अमेरिकन फिक्शनले बेस्ट एडाप्टेड स्क्रिनप्लेको लागि ओस्कार अवार्ड प्राप्त गर्यो ।