काठमाडौं – गण्डकी प्रदेश सरकारले राइड सेयरिङ नियमावली कार्यान्वयनलाई एक महिनाका लागि स्थगित गरेको छ।
मंगलबार बसेको मुख्यमन्त्री, मन्त्री, वार्ता समितिबीचको संयुक्त बैठकले राइड सेयरिङ (नियमन तथा व्यवस्थापन) नियमावली, २०८२ एक महिनालाई कार्यान्वयन नगर्ने निर्णय गरेको हो ।
गण्डकी प्रदेश सरकारले प्रधानमन्त्री तथा मन्त्रिपरिषद्को कार्यालयको पत्रलाई उदृत गर्दै राइड सेयरिङ नियमावली कार्यान्वयनलाई एक महिनाका लागि स्थगित गरिएको प्रदेश सचिव एवं वार्ता समिति संयोजकद्वारा जारी विज्ञप्तीमा उल्लेख छ।
एक महिनाको समयमा यातायात व्यवसायीसँग वार्ताका लागि बैठक बस्ने र समस्या समाधान गरेर यसलाई पुन: कार्यान्वयन गरिने बताईएको छ।
यसअघि, प्रधानमन्त्री तथा मन्त्रिपरिषद्को कार्यालयले मंगलबार दिउँसो मुख्यमन्त्री तथा मन्त्रिपरिषद कार्यालय गण्डकीलाई सार्वजनिक यातायात बन्दले जनजीवन प्रभावित भएको भन्दै राइड सेयरिङ नियमावलीको प्रावधान कार्यान्वयन हाललाई स्थगित गर्न पत्र पठाएको थियो।
जेठ १ मा गण्डकी प्रदेश सरकारले राजपत्रमा प्रकाशन गरी राइड सेयरिङ (नियमन तथा व्यवस्थापन) नियमावली, २०८२ लागू गरेको थियो।
सोही नियमावलीको विरोधमा सार्वजनिक यातायात व्यवसायी जेठ १६ देखि आन्दोलित छन् ।
