रसुवा – हिमाली जिल्ला रसुवाको उच्च क्षेत्रमा हिमपात भई रहेको छ । जिल्लाको क्यान्जिङ लाङटाङ तथा गोसाईंकुण्ड क्षेत्रमा अहिले हल्का हिम पात भई रहेको क्यान्जिका स्थानीय फिन्जो तामाङले बताउनुभयो उहाँका अनुसार आज बिहान बाट पानी परेता पनि दिउँसो देखि मात्र क्यान्जिङ लगायतका स्थानहरूमा हिमपात हुन लागेको हो ।
यसै बिच जिल्ला प्रशासन कार्यालय रसुवाले हिमाली क्षेत्रका उच्च स्थानहरूमा पदयात्रा गर्ने आन्तरिक तथा बाह्य पर्यटकहरूलाई सावधानी अपनाएर मात्र पदयात्रा गर्न अनुरोध गरेको छ ।
प्रमुख जिल्ला अधिकारी राजेश पन्थीका अनुसार पदयात्रामा जानु पूर्व मौसम सम्बन्धी पूर्व सूचना एवं जानकारी लिई यात्रा गर्न तथा पदयात्रामा कुनै विपद् जन्य घटना भई हालेमा सम्बन्धित स्थानीय तह,स्थानीय जनप्रतिनिधि र नजिकै को सुरक्षा इकाई तथा स्थानीय प्रशासन लाई जानकारी गराउन समेत अनुरोध गरेको छ ।
