काठमाडौँ, ८ फागुन । नेपाली कांग्रेसका नेता एवम् पूर्व उर्जामन्त्री दिपक खड्काले विपीको विचारअनुसार पार्टी र देशलाई अगाडि बढ्नुपर्ने बताउनुभएको छ ।

नेता खड्काले आज सञ्चारकर्मीसँग कुरा गर्दै अहिले मुलुक संकटको अवस्थामा रहेको बताउनुभयो । उहाँले वीपीको विचारअनुसार पार्टी र देशलाई अगाडि बढाउनुपर्ने उल्लेख गर्नुभयो ।

वीपी कोइरालाले मुलुक जोगाउनका लागि मेरो र राजाको घाँटी जोडिएको छ भन्ने प्रसंगलाई उल्लेख गर्दै उहाँले मुलुकलाई अगाडि बढाउन संवैधानिक राजतन्त्र आवश्यक रहेको बताउनुभयो ।

उहाँले लोकतन्त्रको रक्षा र मुलुकको आर्थिक विकासका लागि आगामी निर्वाचनमा देशभर नै कांग्रेसका उम्मेदवारको जीत आवश्यक रहेको उल्लेख गर्नुभयो ।