रसुवा – ने. क.पा.एमालेका विभिन्न पदमा रहनुहुने पूर्व जिल्ला कमिटीका सदस्य ,गाउँ पालिका कमिटीका सदस्यहरू ,पूर्व वडा कमिटी अध्यक्ष लगायत का व्यक्तित्वहरू  नेपाली काँग्रेसमा प्रवेश गरेका छन्।

यसै गरि उत्तरगया वडा नम्बर १ का नेकपा (एमाले) गाउँपालिका कमिटी सदस्य, पूर्व वडा सदस्य, नेपाली कम्युनिष्ट पार्टीका वडा कमिटी सदस्यहरू, बागमती प्रदेश तामाङ मुक्तिमोर्चा संगठनका सदस्यहरू लगायतका अग्रज नेताहरू नेपाली कांग्रेस प्रवेश गरेका हुन्।

नेपाली कांग्रेस रसुवाका उम्मेदवार तथा केन्द्रीय सदस्य इन्जिनियर मोहन आचार्य र जनार्दन ढकालद्वारा आज औपचारिक कार्यक्रम गरि स्वागत गरे।

नव प्रवेशीहरुलाई स्वागत गर्दै नेपाली काँग्रेस केन्द्रीय सदस्य एवं रसुवा जिल्लाबाट प्रतिनिधिसभा सदस्य उम्मेदवार मोहन आचार्य र अर्का  केन्द्रीय सदस्य जनार्दन ढकालले बदलिएको काँग्रेसले नै देश संवृद्ध बनाउने बताए।

तपाईंहरूको यही आत्मीय समर्थन, विश्वास र भरोसाले हामीलाई अझ जिम्मेवार, दृढ र जनसेवामा समर्पित बन्न ऊर्जा दिएको छ  आचार्यले भने।