रसुवामा उद्धार गर्नुपर्ने मजदुरको लगत संकलन गरिने भएको छ । लकडाउनका कारण समस्यामा परेका र उद्धार गर्नुपर्ने श्रमिक तथा मजदुरको लगत संकलन सुरु गरिने भएको हो ।
बिहिबार जिल्ला प्रशासन कार्यालय रसुवामा बसेको कोभिड १९ जिल्ला कमाण्ड पोष्टको बैठकले अन्यन्त्र जिल्ला स्थायी ठेगाना भई रसुवा जिल्लाभित्र बिभिन्न बिकास निर्माण सम्बन्धि कार्यमा संलग्न भएका र उद्धार गर्नुपर्ने मजदुरको लगत संकलन गरिने निर्णय गरेको हो ।
त्यस्तै माग आवश्यकता बमोजिक तत्काल खाद्यान्न तथा बसोबासको व्यवस्थापन गर्नुपर्ने भएमा व्यवस्थापनका लागि जिल्लाका सबै गाउँपालिका मार्फत सम्बन्धित वडा कार्यालयलाई अनुरोध गर्ने निर्णय गरिएको बताइएको छ ।