काठमाडौं,३१ भदौ । प्याज कालो बजारी गर्ने एक जना पक्राउ भएका छन् । बल्खु तरकारी बजार होलसेलको एसके सप्लायर्स र चुली सगरमाथा इन्टरप्राइजेजका सञ्चालक पक्राृ परेका हुन् ।
बुधबार बिहान काठमाडौं महानगरपालिकाले बल्खु तरकारी बजार अनुगमनका क्रममा प्रतिकिलो ४८ रुपैयाँमा खरिद गरेको प्याज १ सय २० मा बेच्ने सञ्चालक सुनिल केसीलाई महानगरीय प्रहरी वृत्त कालिमाटीले पक्राउ गरेको हो । व्यापारी केसीका दुई वटा पसलको गरेर २ सय १९ बोरा प्याज सिल गरिएको छ।
व्यापारीलाई भने उपभोक्ता संरक्षण ऐनअनुसार कारबाही गर्न वाणिज्य, आपूर्ति तथा उपभोक्ता संरक्षण विभागलाइ सिफारिस गरिएको छ।