- तस्वीरः नवभारत टाइम्स
मुम्बई , १० असोज।
लागूऔषध मामिलामा आरोप लागेका चर्चित भारतीय अभिनेत्रीहरु दीपिका पादुकोण, श्रद्धा कपुर र साराअलि खानसँग शनिबार भारतको लागुऔषध नियन्त्रण ब्युरो (एनसीबी) ले सोधपुछ गरेको छ ।
शनिबार बिहानै एनसीबी कार्यालय पुगेकी दिपिका, श्रद्धा र सारासँग सोधपुछ जारी रहेको नवभारत टाइम्सले जनाएको छ ।
अभिनेता सुशान्त सिंह राजदुतको आत्महत्या प्रकरणमा लागूऔषध जोडिएपछि उनकी प्रेमिका अभिनेत्री रिया चक्रवर्ती विवादमा तानिएकी थिइन् । उनी अहिले एनसीबीको हिरासतमै छन् ।
यही सिलसिलामा बलिउडमा लागूऔषधको प्रयोगबारे छानबिन गर्दै एनसीबीले यी अभिनेत्रीहरुलाई बयानका लागि बोलाएको हो ।
अर्की अभिनेत्री रकुलप्रित सिंहसँग शुक्रबार बयान लिइएको थियो । उनीहरुले ह्वाट्सएप ग्रुप बनाएर ड्रग्सको प्रयोग गरेको समेत भारतीय मिडियामा खबर छ ।
प्रतिक्रिया
सम्बन्धित समाचार
