स्वीश खेलाडी स्ट्यानिलस वारिन्काले फेञ्च ओपनमा विजयी शुरूवात गरेका छन्। मे २४ देखि शुरू तय भएपनि कोरोनाभाइरस महामारीका कारण पछाडि धकेलिएको फेञ्च ओपन हिजोदेखि शुरू भयो।

विश्व वरियतामा हाल १७ औँ स्थानमा रहेका वारिन्काले पूर्व विश्व नम्बर एक एन्डी मरेलाई ६-१, ६-३ र ६-२ को सेटमा हराउँदै दोस्रो चरणमा प्रवेश गरेका हुन्। त्यस्तै हिजै पुरुष एकलतर्फ भएको अर्को खेलमा हालै सम्पन्न यूएस ओपनका उपविजेता एलेक्सान्डर जेभेरेभले डेनिस नोभाकलाई पराजित गरे।

महिला एकलतर्फको उद्घाटन खेलमा पराजय बेहोरेपछि हाल विश्व वरियतामा पन्धौँ स्थानमा रहेकी बेलायती खेलाडी जोहाना कोन्टा फेञ्च ओपनबाट बाहरिएकी छिन्। कोन्टा हाल विश्व वरियतामा ५३ औँ स्थानमा रहेकी अमेरिकी टेनिस खेलाडी कोको गउफसँग ६-३ ६-३ को सोझो सेटमा पराजित भइन्।