काठमाडौँ । राष्ट्रपति रामचन्द्र पौडेलले रसुवाको भोटेकोशीमा आएको बाढीबाट प्रभावित नुवाकोट जिल्लाका विभिन्न क्षेत्रको स्थलगत अवलोकन गरेका छन्। सोमबार नुवाकोट पुगेर उनले बाढी प्रभावित क्षेत्रको स्थलगत अवलोकन र बाढी पीडित नागरिकहरुसँग भेट गरेका हुन् ।
सो क्रममा राष्ट्रपति पौडेलले नुवाकोटस्थित बाढी प्रभावितहरू रहेको होल्डिङ सेन्टरको अवलोकन गरे। त्यहाँ बाढीबाट प्रभावित नागरिकहरूले भोटेकोशीमा आएको बाढीले पुर्याएको धनजनको क्षतिबारे जानकारी गराए। खोज, उद्धार, राहत एवम् पुनर्स्थापनाका लागि सरकार र सरोकारवालाहरूले अझ तदारुकता देखाउनुपर्ने धारणा प्रभावितहरूले राखेका थिए।
राष्ट्रपति पौडेलले बाढी प्रभावित क्षेत्रमध्ये नुवाकोटको त्रिशूलीमा रहेको नेपाली सेनाको क्याम्प तथा रसुवा बाढी प्रभावित क्षेत्रको पनि अवलोकन गरेका छन्।
प्रतिक्रिया
सम्बन्धित समाचार
