१५ माघ, मोरङ । प्रदेश १ सरकारले कोरोना जाँच गर्ने पीसीआर मेसिन खरिदको प्रक्रिया अगाडि बढाएको छ ।

प्रदेश जनस्वास्थ्य प्रयोगशालाले अटोमेटिक आरटी पीसीआर मेसिन खरिदको प्रक्रिया सुरु गरेको हो । मेसिन खरिदका लागि लगभग दुई करोड ५० लाख रुपैयाँमा मेसिन खरिदका लागि माघ ११ गते टेण्डर आह्वान गरिएको छ ।

प्रदेश १ जनस्वास्थ्य प्रयोगशालामै चारवटा पीसीआर मेसिन छन्, जसमध्ये एउटा मात्र सञ्चालनमा छ । दुईवटा पोर्टेबल मेसिन थन्किएका छन् । स्वीस सरकारबाट अनुदानमा आएको रोस कम्पनीको मेसिन रिएजेन्ट किट नभएर प्रयोगविहीन छ ।

तर प्रदेश जनस्वास्थ्य प्रयोगशालाले कोरोना जाँचका लागि एउटा मात्र मेसिन सञ्चालन गरेको छ ।