काठमाडौं,२४ माघ । नेपाल पर्यटन बोर्डले पूर्णता पाएको छ । रिक्त रहेको तीन जना सदस्यहरुमा नियुक्ति गरेसँगै बोर्डले पूर्णता पाएको हो ।
संस्कृति,पर्यटन तथा नागरिक उड्डयनमन्त्री भानुभक्त ढकालले शुक्रबार बोर्डको सदस्यमा ङावाङीमा शेर्पा, चन्द्र रिजाल र कृष्ण शाहलाई नियुक्त गरेको हो । बोर्डको सदस्यताका लागि छनौट समितिले पाँच जनाको नाम सिफारिस गरेको थियो ।
नियुक्त भएका शेर्पा नेपाल कोरिया पर्यटन प्रवद्र्धनमा क्रियाशील व्यवसायी हुन भने रिजाल ट्रेकिङ एजेन्सिज् एसोसिएसन अफ नेपाल(टान)का पूर्वअध्यक्ष हुन् । यस्तै शाह इलामका पर्यटन व्यवसायी हुन् ।
मन्त्रालयका सहसचिव तारानाथ अधिकारीको संयोजकत्वमा गठित समितिमा पर्यटन बोर्डका पूर्वसदस्य राजेन्द्र सापकोटा र पूर्ण कुँवर सदस्य थिए ।
समितिले यी तीनजनासहित हरिभक्त श्रेष्ठ र सिएन पाण्डेको नाम सिफारिस गरेको थियो । सिफारीस भएकामध्ये पाण्डेको नाम अग्रस्थानमा रहेपनि अन्तिममा उनको नाम सदस्यमा पर्न सकेन ।
