२४ माघ, काठमाडौं । चीन सरकारले नेपाललाई कोरोना रोकथाम तथा नियन्त्रणका लागि पाँच लाख डोज खोप उपलब्ध गराउने भएको छ।
परराष्ट्रमन्त्री प्रदीप ज्ञवाली र उत्तरी छिमेकी चीनका विदेश मन्त्री वाङ यी बीच टेलिफोनमा कुराकानी हुँदा चीनले यो प्रतिवद्धता जनाएको हो।
शुक्रबार साँझ दुई मन्त्रीबीच फोनवार्ता भएको थियो।
कुराकानीमा चिनियाँ विदेश मन्त्री यी ले नेपाललाई पाँच लाख डोज कोरोना भ्याक्सिन अनुदानमा उपलब्ध गराउने बताउनुभएको थियो।
यसअघि काठमाडौंस्थित चिनियाँ दूतावासले तीन लाख डोज भ्याक्सिन नेपाललाई अनुदानमा दिने बताएको थियो।
अहिले सम्म चिनियाँ भ्याक्सिनलाई अनुमति नदिएकाले यसबारे अध्ययन भइरहेको स्वास्थ्य मन्त्रालयले जनाएको छ।
प्रतिक्रिया
सम्बन्धित समाचार
