एजेन्सी, १ चैत्र। इङलिस प्रिमियर लिगमा यसै वर्ष समावेश भएको लिड्स युनाइटेडले चेल्सीलाई गोल रहित बराबरीमा रोकेको छ ।
शनिबारको खेलमा चेल्सीले लिड्समाथि निरन्तर दबाब कायम राखे पनि गोल गर्न भने सकेको थिएन । हुनत यस खेलमा दुबै टिमले गोल गर्ने अवसर प्राप्त गरेका थिए, तर गोलमा परिणत गर्न दुबै टिम असफल रहे ।
यो बराबरीसँग चेल्सी अंक तालिकाको चौथो स्थानमा कायम छ । चेल्सीको २९ खेलबाट ५१ अंक भएको छ । पहिलो स्थानमा भने २९ खेल खेलेको म्यान्चेस्टर युनाइटेडको ६८ अंक छ । दोस्रो स्थानको म्यान्चेस्टर युनाइटेडको २८ खेलबाट ५४ तथा तेस्रो स्थानको लेस्टरको २८ खेलबाट ५३ अंक छ ।
लिड्स युनाइटेड भने २८ खेलबाट ३६ अंक बटुल्न सफल भएको छ, र यो अंक तालिकाको १२औं स्थानमा छ ।
आजै राति क्रिस्टल प्यालेस र वेस्ट ब्रुम, एभर्टन र बर्नली तथा फुलह्याम र म्यान्चेस्टर सिटीबीच खेल हुँदैछ ।
