काठमाडौँ, १० चैत्र ।
पाकिस्तानको राष्ट्रिय दिवसका अवसरमा  पाकिस्तानी राजदूतवासमा आयोजित एक कार्यक्रममा पाकिस्तानको राष्ट्रिय झण्डा फहराइएको छ ।
आफ्नो राष्ट्रको झण्डोत्तोलन गर्दै  पाकिस्तानी राजदूत सयद हैदर शाहले आफ्ना पूर्वजले परिकल्पना गरेको पाकिस्तान निर्माण गर्न सबै पाकिस्तानीले आफ्नो प्रतिबद्धताको पुनर्पुष्टि गर्नुपर्ने बताउनु भयो ।

कार्यक्रममा पाकिस्तानका राष्ट्रपति अरिफ अल्भी र प्रधानमन्त्री इमरान खानले राष्ट्रिय दिवसका अवसरमा जारी गर्नुभएका सन्देश वाचन गरिएको थियो ।सन्देशमा उहाँहरूले पाकिस्तानलाई आर्थिकरुपमा सशक्त एवं समृद्ध तुल्याउन पाकिस्तानीको दृढ प्रतिबद्धता अपरिहार्य भएको जनाउनुभएको छ ।