२७ बैशाख, काठमाडौं । अमेरिकाको मेरिल्याण्ड राज्यस्थित बाल्टिमोरमा शनिबार बिहान भएको गोली काण्डमा एक नेपाली विद्यार्थीको मृत्यु भएको छ । मृत्यु हुने संखुवासभा घर भएका नेपाली विद्यार्थी सागर घिमिरे छन् । उनी छात्रवृत्तिमा अध्ययन गर्न अमेरिका आएका थिए ।
अर्का नेपाली सर्लाहीका श्याम अधिकारीलाई पनि गोली लागेको छ । उनको अस्पतालमा उपचार भइरहेको छ । उद्दण्ड व्यक्तिले चलाएको गोली लागेर चारजनाको मृत्यु भएको छ ।
बाल्टिमोरको उपनगर क्षेत्र वुडलनमा बिहानै करिव ६ः३० मा गोलीकाण्ड भएको हो । बन्दुकधारी ५६ बर्षीय एभर्टनको पनि प्रहरीको गोली लागी मृत्यु भएको छ ।
प्रतिक्रिया
सम्बन्धित समाचार
