काठमाडौँ, १५ भदौ
नेपाली काँग्रेस काठमाडौँ महानगरपालिका वडा नं ४ को वडा सभापतिमा रामप्रसाद न्यौपानेले पुनः उम्मेद्वारी दिने हुनुभएको छ ।
विस २०७२ सालमा सम्पन्न पार्टीको १३ औँ महाधिवेशका क्रममा वडा सभापति विजयी हुनुभएका न्यौपानेले १४ औँ महाधिवेशनमा पनि पुनः सभापति पदका लागि उम्मेद्वार दिन लाग्नुभएको हो ।
विस २०३० सालमा भक्तपुरको वोडेमा जन्मनुभएका न्यौपाने विस २०३३ सालदेखि काठमाडौँ महानगरपालिका–४ धुम्बाराही बस्दै आउनुभएको छ । निरन्तर २० वर्षदेखि काँग्रेसबाट वडाको विभिन्न पदमा रहेर काम गर्नुभएका न्यौपाने कामपा वडा नं ४ को दुई कार्यकाल सचिव बन्नुभएको थियो ।
अघिल्लो कार्यकालमा रहेका अधुरा कामलाई पुरा गर्नका लागि आफूले पुनः वडा सभापतिमा उम्मेद्वारी दिन लाग्नुभएको न्यौपानेले माउण्टेन खबर डटकमलाई जानकारी दिनुभयो । “एक कार्यकाल सिक्ने अवसर पायाँ, अर्को कार्यकाल काम गरेर देखाउने इच्छा छ, त्यसैले उम्मेद्वारी दिन लागेको हुँ,”– न्यौपानेले भन्नुभयो ।
विस २०४७ सालमा शङ्करदेव क्याम्पसमा नेविसङ्घको सदस्य भएर काम गर्नुभएका न्यौपाने काँग्रेसको १५ महाधिवेशनमा क्षेत्रीय सचिव उठ्ने सोच राख्नुभएको छ ।
