२४ असोज, काठमाडौं । बागमती प्रदेशकी मुख्यमन्त्री अष्टलक्ष्मी शाक्यले बागमती प्रदेशसभामा विश्वासको मत लिने सम्बन्धी प्रस्ताव प्रस्तुत गर्नुभएको छ।

मुख्यमन्त्री शाक्यले आइतबार साँझ बसेको प्रदेशसभाको दोस्रो बैठकमा विश्वासको मत लिने सम्बन्धी प्रस्ताव सदनमा प्रस्तुत गर्नुभएको हो । योसँगै आगामी बागमती प्रदेशसभाको बैठक कात्तिक ४ गतेसम्मका लागि स्थगित भएको छ ।

मुख्यमन्त्री शाक्यले नेपालको संविधानको धारा १८८ को उपधारा २ अनुसार तथा बागमती प्रदेशसभा नियमावलीको धारा १४३ को १ अनुसार विश्वासको मत लिने सम्बन्धी प्रस्ताव संसद्मा पेश गर्नुभएको हो। मुख्यमन्त्रीले संसदमा विश्वासको मत गुमाउने स्थिति आएसँगै उहाँले विश्वासको मत लिन लाग्नुभएको हो।