१० कात्तिक, काठमाडौं । बागमती प्रदेशको मुख्यमन्त्रीमा एकीकृत समाजवादीका संसदीय दलका नेता राजेन्द्र पाण्डेले दाबी पेश गर्नुभएको छ। बुधबार साँझ सांसद पाण्डेले ५९ सांसदहरुको समर्थनसहित मुख्यमन्त्री पदमा दाबी पेश गर्नुभएको हो ।

अष्टलक्ष्मी शाक्यले मुख्यमन्त्री पदबाट राजीनामा दिएसँगै प्रदेश प्रमुख यादव शर्माले बहुमतसहितको दाबी पेश गर्न भोलि ३ बजेसम्मका लागि समय दिनुभएको थियो ।

उक्त समयसिमा सकिनु अगावै पाण्डेले नेपालको संविधानको धारा १६८ को उपधारा (२) बमोजिम प्रदेश प्रमुख यादवचन्द्र शर्मा समक्ष दाबी पेश गर्नुभएको छ । पाण्डेलाई नेपाली कांग्रेस, माओवादी केन्द्र र जसपाका संसादहरुले समर्थन गरेका छन्।