यही चैत ४ गते कतार एयरवेजबाट नेपाल आएका रसुवाका दुई जना सेल्फ क्वारेन्टाइनमा रहेको जिल्ला प्रशासन कार्यालय रसुवाले जनाएको छ ।  मंगलबार नेपाल आएका उनीहरु काठमाडौं स्थित आफ्नै घरमा सेल्फ क्वारेन्टाइनमा रहेको पाइएको प्रमुख जिल्ला अधिकारी अर्जुन भण्डारीले  बताएका हुन् ।

कतार एयरवेजबाट नेपाल आएका उनीहरु दुबैजना रसुवा नआएको उनले बताए ।
दुबै जनासँग निरन्तर सम्पर्कमा रहेको र अहिले आत्तिनुपर्ने अवस्था नरहेको समेत प्रमुख जिल्ला अधिकारी भण्डारीले बताए ।

जर्मनीबाट नेपाल आएका दुई जना रसुवा आएको हुन सक्ने भन्दै जिल्लाबासीले भने निगरानी गर्न माग गरेका छन् । त्यस्तै जिल्लामा हालसम्म कोरोनाको शंकास्पद बिरामी नभेटिएको समेत भण्डारीले बताए ।