सङ्क्रमणबाट बच्न लागु गरिएको लक डाउनका कारण विभिन्न वर्ग र क्षेत्रमा परेको आर्थिक असरलाई दृष्टिगत गरेर तत्काल आवश्यक निर्णय लिन काँग्रेस सभापति शेर बहादुर देउवाले सरकारको पुनः ध्यानाकर्षण गराउनुभएको छ ।

उहाँले आज एक विज्ञप्तिमार्फत सभापति देउवाले उक्त विषयमा सरकारसमक्ष कुरा गरिसकेको उल्लेख गर्दै पुनः सरकारको ध्यानाकर्षण गराउनु भएको हो ।
सभापति देउवाले दिनभर काम गरेर साँझ खाने वर्गलाई लक डाउनले सबैभन्दा बढी असर पु्र्याएको उल्लेख गर्दै दैनिक ज्यालादारीमा निर्भर रहेका नागरिकलाई सरकारले तोकेको न्यूनतम ज्याला दरमा कम नहुने गरी तत्काल विशेष राहत प्याकेज घोषणा गर्न अनुरोध गर्नुभएको छ ।