भारतीय नाका धार्चुलामा फसेका ५ सय ५७ नेपालीलाई भारतीय सरकारले क्वारेन्टाइनमा राख्ने भएको छ ।
आफ्नो देशमा फर्किन पाउनुपर्ने मागसहित तीन दिनदेखि आन्दोलनरत नेपालीलाई भारतले दुबै देशबीच अर्को सहमति नहुँदासम्म भारतीय क्षेत्रमा तीन ठाउँमा क्वारेन्टाइनमा राख्ने भएको हो।
भारतको धार्चुला प्रशासनले महाकाली नदी किनारमा रहेको गौशाला भवन र फायरब्रिगेडको गल्लीमा रहेको नयाँ भवनमा राख्ने बताएको छ ।
पैदल हिडेर स्वदेश प्रवेशका लागि सीमामा आइपुगेका नेपालीहरुलाई स्थानीय सरकारले माथिको आदेश भन्दै सिमानामै रोकेको थियो । नेपाल प्रवेश गर्न नपाएपनि उनीहरुले सरकार विरुघ्द नाराबाजी समेत गरेका थिए ।
भारतका होटलहरुमा बस्न र खान नदिएपछि बाध्य भएर काम छोडेर फर्किनु परेको नेपालीहरुले बताएका छन् ।
कोरोनाको संक्रमण फैलिएपछि भारत सरकार र राज्य सरकारले लकडाउन गरेका छन् भने नेपालमा पनि लकडाउन भएकाले उनीहरु प्रवेश गर्न नपाएका हुन् ।
