नेपाली काँग्रेसका सभापति शेर बहादुर देउवाले सरकार र समुदायको ऐक्यबद्ध अभियानलाई अझ व्यवस्थित र प्रभावकारी बनाउन आब्हान गरेका छन्।
मंगलबार एक अपिलमार्फत सभापति देउवाले स्वास्थ्यकर्मीको उच्च मानवीय भावना र समर्पणले यो भाइरसलाई परास्त गर्न सकिनेमा नेपालभरिका स्वास्थ्यकर्मीप्रति सबै नेपालीको गहिरो भावनात्मक स्नेह र साथ रहेकोे स्मरण गराएका छन् ।
लकडाउनलाई अझ इमानदारीसाथ पालना गर्न र गराउन पार्टीका नेता कार्यकर्ता एवं समस्त नेपालीमा अपिल गर्दै सभापति देउवाले
व्यक्तिगत सुरक्षा उपकरण (पिपिइ) लगायत अत्यावश्यक सामग्री तत्काल सबै स्थानमा पुर्याउन अपिल गरेका छन् ।
सरकारले ल्याएको राहत प्याकेज एक हदसम्म सकारात्मक भए पनि यो पर्याप्त छैन भन्दै सभापति देउवाले ब्याजको किस्ता तिर्ने समयावधि थपेर मात्र पुग्दैन सबै खाले व्यवसायीको ऋणको ब्याज घटाएर राज्यले प्रतिकूलतामा राहत अनुभूति गराउनुपर्ने बताए।
२० लाखसम्म ऋण लिएर व्यवसाय गरिरहेका साना व्यवसायीका हकमा तीन महिनासम्मको ब्याज मिनाहा नै गर्न म फेरि पनि सरकारलाई अपिल गर्दछु देउवाले अपिलमा उल्लेख गरेका छन् ।
