नेपाली काँग्रेसका केन्द्रीय सदस्य तथा गणेशमान सिंह अघ्ययन प्रतिष्ठानका अघ्यक्ष नविन्द्रराज जोशीले चैत्र २६ अर्थात् २०४६ सालमा प्रजातन्त्र पुनर्स्थापना भएको दिन प्रजातन्त्र पुनर्स्थापना दिवसलाई हुनेले नहुनेलाई सहयोग गरेर मनाउन अपिल गरेका छन्।
नविन्द्रराज जोशीले आज एक अपिल जारी गर्दै प्रजान्त्रिक व्यवस्था मान्ने तथा जनआन्दोलन २०४६का सर्वोच्च कमाण्डर वीर गणेशमान सिंहका अनुयायीहरुले दिनदुखी र दैनिकी गुजारा गर्न मुस्किल परेकाहरुलाई सहयोग गरेर प्रजातन्त्र पुनर्स्थापना दिवस मनाउन आह्वान गरेका छन् ।
जोशीले प्रजातन्त्र पुनर्स्थापनाका सर्वोच्च कमान्डर ,वीर गणेशमान सिंहले परोपकार र निस्वार्थ सेवानै राजनीतिकर्मीको धर्म हो र त्यो धर्म सबैले पालना गर्नुपर्छ भनेर भन्ने गरेको स्मरण समेत गरेका छन्।
वीर गणेशमान सिंहको वचनलाई चिरायुत्व दिन सबैमा परोपकारि भावनाको विकास गर्न समेत गणेशमान सिंह अध्ययन प्रतिष्ठानका अध्यक्ष जोशीले आग्रह समेत गरेका छन् । साथै कोरना बिरुद्ध लड्न सामाजिक दूरी कायम गर्दै ,सरकार र विश्वस्वास्थ्य संगठनको आचारसंहिता पालना गर्न समेत जोशीले सबैमा आह्वान गरेका छन् ।
प्रतिक्रिया
सम्बन्धित समाचार